Любімы сэрцу куточак (Яніна Літавар)

Ёсць у Мастоўскім раёне

Вёсачка Галубы,

Родны сэрцу куточак,

любы і дарагі.

Ты для нас, як маці, дарагая,

Любая, адзіная на свеце.

Помніш, ты заўжды нас сустракала.

Мы збіраліся да цябе, твае ўсе дзеці.

У цябе была калісьці школа.

Сельсавет, праўленне нашага калгаса.

Быў і клуб, і музыка, і песні.

І было ў школе многа класаў.

Ты была такою прыгажуняй,

Велічнай і важнай, маладой.

Што ж з табой гады зрабілі?

Стала ты зусім-зусім сівой.

Бачу я, ты вельмі пастарэла,

Ёсць пустыя ў цябе дамы.

Зараслі дарожкі каля хатаў,

Плот нямоглы пахіліў слупы.

Многа год прайшло, а не магу забыць я.

Сэрца маё рвецца да цябе.

Любая, ты для мяне крыніца –

Глыток чыстай і жывой вады.

Дзякуй, вёсачка і мамачка, за вёсны,

За дзяцінства дзякуй і за маладосць.

Дзякуй за чаканне, дзякуй за цярпенне,

І яшчэ за тое, што вы ёсць.

Добавить комментарий

Ваш адрес email не будет опубликован. Обязательные поля помечены *