Яблынька
Пасадзіў дзед яблыньку
У сваім саду.
Ты расці, прыгожая,
На радасць і пахвалу.
Цёплаю вясною
Прыбіралася хусцінкаю
З белаю каймою.
Прыляталі птушкі
Любаваліся яблынькай
Знізу да самага верха.
Вырасталі яблыкі
Вялікія, мядовыя.
Частаваліся суседзі
І людзі вясковыя.
Прыязжаюць унукі
З ранку да абеда
Смакуюць яблыкі
Успамінаюць дзеда.
2021 г.
Маміна хата
Маміна хата…
Была ты багата,
Цвілі кветкі,
Раслі садочкі.
Падрасталі прыгажуні
Чатыры дачкі.
А зараз хата
Стаіць адна.
Смуткуе зранку
Да самага цямна.
Калісьці мама
Гуляла з дачкою,
А зараз падворак
Зарос травою.
Пазарасталі
Сцежкі-дарожкі
Дзе хадзілі калісьці
Татавы ножкі.
Прыязджайце дзеці,
Прыязжайце ўнукі.
Беражыце хату,
Успамінайце маму,
Успамінайце тату.
2020 г.
Кахаю сваю вёску
Кахаю сваю вёску
І мясціны, дзе жыву.
Пахнуць кветкі на падворку,
А водар кружыць галаву.
Спяваюць птушкі ў садзе.
Гудуць трактары на палях.
Гуляе ветрык руплівы —
Такое хараство ёсць у нас.
Якія прыгожыя палеткі,
Збажына шуміць за сялом.
Працуе гаспадар там руплівы
Кандратовіч з сваёй сям’ёй.
Паважаю сваю вёску
І людзей, з якімі жыву.
Зазвоняць званы ў касцёле
Я хутка туды пабягу.
Я буду маліцца
І Бога прасіць,
Каб пад мірным небам
Мы доўга маглі яшчэ жыць.
2018 г.
Любыя Масты
Жыву я на вёсцы,
Але прыязжаю сюды.
Вельмі прыгожы
Наш горад Масты.
Я душу і сэрца
Тут падлячу.
І з новымі сіламі
У вёску вязу.
Бусел дзіцячы
Узмахне нам крылом,
Жаўрук падпявае
І цёплы наш дом.
Трэба пабачыць,
А сэрцам пачуць,
Як горад спявае
І людзі жывуць.
Масты — гэта сэрца,
Масты — гэта сіла.
Хворых падлечаць,
Дзяцей не пакінуць.
Горад, як казка,
Горад надзей.
О, Божа вялікі,
Шануй тут людзей.
2012 г.
Як была я маладою
байка
Як была я маладою,
Хацела замуж пайсці
І мужыка сабе знайсці.
Як стала выбіраць,
Як стала выбіраць,
Вам не расказаць.
Пятра, Ігнася,
Адама, Стася…
Быў у мяне Антось,
Але не браў ён мяне штось.
Сусед заляцаўся,
Але лазіць праз плот
Мяшаў яму жывот.
Сабакі забрахалі
І яго прагналі.
Лытка ні брыдка,
Кумпяк не быля як,
У грудзях круглавата.
Абыйсці, многа
Можна, што знайсці
Жыву я не бедна:
Ёсць даляры,
Ёсць чарка
Да чаркі шкварка.
У агародзе кветкі буяюць.
Людзі вяселле гуляюць,
А я сяджу, прынца чакаю.
Усё, усё у мяне – е,
Ніхто замуж не бярэ.
Ах, ты доля, долечка чубатая,
Ва ўсім ты, пэўна, вінаватая.
Але не, скажу вам не тая,
Гэта ўсё мая віна.
2010 г.
Нашы Масты
песня
У нашых Мастах
Ёсць Нёман рака.
Яго відаць, як стужку
Здалёк, бяжыць і бяжыць,
Як песня гучыць, а ён усё бяжыць.
Прыпеў:
Нашы Масты,
Нашы Масты.
Цвітуць рамонкі,
Пяюць салаўі.
Тут здольны народ,
Працуе завод.
Знаюць яго за мяжой.
Ёсць што паглядзець,
Ёсць што паказаць.
Агеньчыкі ў сэрцах
Гараць і гараць.
Прыпеў:
Нашы Масты,
Нашы Масты.
Цвітуць рамонкі,
Пяюць салаўі.
У нашых Мастах
Ёсць многа дзяцей,
Ёсць многа прыгожых дзяўчат.
А Нёман, як дзед
Збірае ўнучат
А песні гучаць і гучаць.
Прыпеў:
Нашы Масты,
Нашы Масты.
Цвітуць рамонкі,
Пяюць салаўі.
2008 г.